Þar sem þráðurinn besti, nákvæmasti og lang langsamlega besti riffill eða hvað hann nú heitir orðrétt er löngu kominn út fyrir sína upphaflegu setningu ákvað ég að starta nýju teiti.

Í ofangreindum þræði nefnir Magnús Sigurðsson orðrétt

"Að við hér á Íslandi, blessunarlega herlausu landi, séum að
halda sérstakar herrifflakeppnir þar sem keppandi verður
að nota riffil sem sannanlega var hannaður til að drepa
meðbræður okkar er óskiljanlegt!!!"

O,jæja. Nú tala ég sem veiðimaður og með takmarkaða þekkingu á BR rifflum en fyrir mér erum við að tala um tvo ólíka hluti. BR riffil myndi ég aldrei taka með mér á veiðar sökum þyngdar. Það væri kannski mögulegt að skjótast með hann á svæði tvö á Héraði og henda sér í hreindýraröðina en á erfiðari og skemmtilegri? svæðum þar sem menn þurfa að labba jafnvel allan daginn með öðrum manni/mönnum sem og allir þurfa að halda hópinn, munar um hvert kiló. Við þessar aðstæður dugir nákvæmni venjulegra riffla og eitthvað annað er að en nákvæmni riffilsins ef skyttan hittir ekki hreindýr og drepur á skitnum 50-200 metrum.
Þá er ég búinn að afgreiða það að drápsrifflar eins og stundum eru kallaðir henta betur til drápa en BR rifflar, þeir eru léttari að bera. Þá er annað mál. Mikið hefur verið í umræðunni að menn séu í nægjanlega góðri æfingu til að skjóta úr byssunni. Þá þarf að æfa sig. Æfingin er fín sem slík er sumir hafa þörf eða ánægju fyrir að bera sig saman vð aðra og til þess eru keppnir. Þar geta menn keppt með sínum rifflum, tólum sem þeir nota dags daglega eða allavega eiga í fórum sínum. Þess vegna lifa keppnir óbreyttra riffla. Keppnir í BR er hins vegar allt annað mál og allt annað sport en að mínu viti er hvoru tveggja jafn rétthátt og staðir eins og SR hafa nægt rými fyrir báðar tegundir. Ef aðeins BR væri leyft hjá SR væri gjaldkerinn í harla litlu starfi og fína riffil aðstaðan þyrfti ekki að vera nema 3-4 básar að hámarki.
En hvað um það BR og almennur riffill er tvennt ólíkt um að þarf ekki að deila. Annar er hannaður með nákvæmni í huga, hinn er hannaður með eins mikla nákvæmni í huga og hægt er auk þess sem hægt er að ganga með hann daginn út og daginn inn svo hægt sé að finna eitthvað til að drepa og borða nú og eða bara til að drepa (refir, minnkar ofl).

Þó að ég lesi flest allt sem Magnús Sigurðsson (BR forever) setur á prent hér á spjallinu því þar fer einn af yfirburðarmönnum okkar í BR verð ég að vera honum ósammála um tilverurétt keppna óbreyttra riffla

Með kveðju
Silfurrefurinn sem er áhugamaður um skynsamlegar veiðar en hefur aldrei tekið þátt í keppni með byssu.