Hef sjaldan eða aldrei labbað út úr veiðibúð eins ánægður og í dag. Hef átt eina byssu núna í nokkur ár sem hefur stundum ekki verið til friðs og þurft að láta laga nokkrum sinnum. En alltaf verið smáræði og alltaf hef ég labbað inn með byssuna í þessa búð og fengið góða þjónustu og kurteisi. Hafa kannski ekki stórlegir hlutir verið að klikka en eins og ég sagði hefur hún klikkað á verstu tímum. Lenti núna í því að hún hætti að skipta sér og sendi þeim mail að aftur væri eitthvað að og þrátt fyrir mjög góða þjónustu þá væri þetta orðið frekar leiðinlegt. Fékk strax svar um að koma með hana og þeir mundu kíkja á hana. Þegar ég kom var ljóst að rörið sem geymir skotin var aðeins bogið (sást ekki með berum augum, en annað skiptið sem þetta gerist) og það var nóg til að hún kláraði ekki að skipta sér. Ég spurði hvort þeir ættu ekki nýtt rör og ég mundi skipta um það sjálfur enda ætlaði á gæs í fyrramálið. Hann sagðist eiga rör en spurði mig hvort ég vildi ekki bara fá nýja byssu í staðinn!! Fannst leiðinlegt að þetta vesen skuli alltaf halda áfram eftir að þeir höfðu lagað hana og bauð mér nýja í staðinn..
Frábær þjónusta og labbaði út vel sáttur við þessa verslun með nýja byssu á gæsina.

Þakka Veiðihorninu fyrir frábæra þjónustu!!