Nú þegar umsóknaferlið fer að nálgast og spjallþræðir fyllast af spurningum um ágæti calibera til hreindýraveiði, hvaða kúlutegund, handhlaðið eða verksmiðjuskot. Hvort að hinar buxurnar séu betri eða verri en aðrar og svo framvegis, hvort Scarpa sé betri eða Meindl, langar mig til að vera fyrstur og byrja.
1) í fyrsta öðru og þriðja lagi, veiðimaðurinn þarf að hafa yfir meðallagi gott úthald og geta gengið í fjallgöngu 15-18km á dag í þjrá daga án þess að væla mikið. Sá sem getur þetta með eðlilegri yfirferð og án þess að vera þessi síðasti gaur sem alltaf tefur aðra, þá ertu í þokkalega góðum málum. Skokk eftir gangstéttum er ágæt æfing, fjallganga sem æfing fyrir fjallgöngu er ekki síðri æfing.
2) Blessað kaliberið skiptir engu ef þú kannt á ferilinn og byssan er lögleg
3) Blessað kaliberið skiptir mjög litlu ef þú kannt ekki á kúluferlinn
4) Skotprófið er ekki djók, það þarf að standast það, Taktu 100 skot í mismunandi vindi og þú neglir prófið blindandi. 100 skot er ekki nema 20.000 kall +- nokkrir bláir sem er lítið af heildarkostnaði pakkans en getur skipt sköpum þegar dýrið er komið í færi
5) Lærðu á kíkinn, yfirleitt er skrúfa sem hægt er að færa fram og til baka eftir færum. Ekki kynna þér málin á veiðslóð. Sjálfur er ég með plastaðan miða í vasanum sem segir mér klikkin.

Kannski er ofangreint common sense og fleira til en ég með mína takmörkuðu reynslu, aðeins fjórar ferðir þar af tvisvar með dýr hef séð þó nokkra klikka á einu eða fleiri af þessum atriðum.

Happy hunting