Re: Nákvæmasti, besti og lang, lang, lang flottasti riffillinn í alheiminum!!!

.

Re: Nákvæmasti, besti og lang, lang, lang flottasti riffillinn í alheiminum!!!

Sælir félagar.

Hér sjáum við Guðmund með aðra skífu.

Það skal tekið sérstaklega fram að Guðmundur notar aldrei púða undir TRG inn, einungis TRG tvífótinn að framan og er með riffilinn lausann að aftan.

Það væri virkilega gaman að sjá hvað Sá langflottasti,............ myndi gera ef hann settur á púða "allan hringinn."

Ætli grúppurnar yrðu þá ekki allar eins og sú sem Tom skaut. (án púða).

Varðandi Áramótið væri fróðlegt að vita hvort um verði að ræða grúppukeppni eða skotið til stiga?


JAK..........

Viðhengi:

100_0220.jpg

Re: Nákvæmasti, besti og lang, lang, lang flottasti riffillinn í alheiminum!!!

Flott heimasíða og skemmtilegur húmor.
Haffi.

Re: Nákvæmasti, besti og lang, lang, lang flottasti riffillinn í alheiminum!!!

Re: Nákvæmasti, besti og lang, lang, lang flottasti riffillinn í alheiminum!!!

.

Re: Nákvæmasti, besti og lang, lang, lang flottasti riffillinn í alheiminum!!!

Magnús, dast þú um TRG einhverntíman upp á skotvelli og slasaðir þig ógurlega eða hvað???
Þú virðist verða alveg öfugsnúinn ef minnst er á Sako TRG, sem að eru örugglega hinir ágætustu rifflar.
Ég hef aldrei handleikið slíkan grip en hefði gaman af því.

###Magnús Sigurðson,
sem enn lýsir eftir staðreyndum hvað varðar gæði
SAKO TRG ( miðað við alvöru riffla)###
Hvað í andskotanum ertu að meina með þessu??? Hvað eru alvöru rifflar? Og hvað eru þá gerfi rifflar? Ertu að meina það að eingöngu custom made tactical practical br.með kleinuhringjakaffilattelepjandivél í skeptinu og alles sé alvöru riffill? Og allir aðrir eru rusl og barnaleikföng eða verra?
Þú ert svo mikil snobbhæna þegar þú tekur þig til að þú minnir mig á Björgvin Halldórsson og drullupistilinn hans um brotajárn þegar hann var að dásama fluguveiði á kostnað annara veiðiaðferða.

Nú segi ég enn og aftur Magnús- þú ert ekki að gera BR vinsælla með svona hroka og þú færð ekki nýliða inn með svona bulli.

Kveðja Keli

Re: Nákvæmasti, besti og lang, lang, lang flottasti riffillinn í alheiminum!!!

Ágæta skepna....svona ávarpar engin annan mann!
Þorkell var nafnið?

Það er ekkert bull í gangi aðeins verið að benda á þá staðreynd
að BR rifflar eru þeir nákvæmustu sem um er að ræða.
Auðvitað var ég of orðhvatur í garð ýmissa góðra manna og bið þá afsökunnar
á ákafanum! Og ég meina það sem ég segi!
Einhver spurði um árangur.......ég man að síðasta mótið sem ég keppti á var stórglæsilegt Áramót Hlaðs (þeim líkt!!) 2009.
Þetta var 300m mót sem ég reyndar vann. Vinur minn til margra ára Valdimar Long var annar og gott ef Arnfinnur, annar góður vinur minn, var ekki þriðji?
Hvað um það fyrstu þrír voru allir að skjóta þessum hötuðu BR rifflum.
Ef mig minnir rétt voru þarna að minnsta kosti tveir SAKO TRG rifflar, gripir sem
ég hefi aldrei dottið um. Einhverra hluta vegna gekk eigendum þeirra ekki vel í
þessari keppni.
Ég skaut 6BR /30.5 VV135 að mig minnir / BR4 / Sierra 70MK.
Remington 40XBR /Shilen 1-14 /Nightforce 12x42BR.
Þetta var mjög skemmtileg keppni...félagsskapurin frábær og svo var líka
stutt í áramótin...tími sem er okkur öllum til umhugsunar!?

Með vinsemd,
Magnús Sigurðsson

Re: Nákvæmasti, besti og lang, lang, lang flottasti riffillinn í alheiminum!!!

Sæll Magnús ,#Ágæta skepna....svona ávarpar engin annan mann!#, jújú ef það er ég
Þetta er viðurnefni sem að ég hef borið innan Sniglanna síðan elstu menn muna ekki neitt?? svona sirka
En Þorkell er nafnið og oftast kallaður Keli eins og títt er um okkur Þorkatlanna.
En já,þú hefur verið ansi orðhvatur upp á síðkastið og það er ofboðslega leiðinlegt að lesa slíkt. Við þurfum öll að bera virðingu fyrir áhugamálum hvors annars, hvort sem um er að ræða BR, veiðirifflar, haglabyssur, skammbyssur, bogfimi eða skúmaskot Við þurfum samstöðu eins og þú hefur komið inn á og það fæst ekki með því að segja að eitt sé æðra öllu. Þess vegna ávítti ég þig. Annars ber ég hina mestu virðingu fyrir þér eins og flest öllum hér inni og hef ekkert efast um það að þú kunnir að skjóta. En berum virðingu fyrir aðferðum/áhugamálum hvers annars og níðum ekki skóinn af hvort öðru því að annars endar þetta eins og með stangveiðina.

Kveðja Keli

Re: Nákvæmasti, besti og lang, lang, lang flottasti riffillinn í alheiminum!!!

Takk fyrir svarið Þorkell!

Þú talar um stangveiði...þú hefur sem sagt unnið á þeim vetvangi?
(afsakið augnablik ágæti Hlaðverjar?)
Það gerði ég líka .... í 33 ár!!

Leyf mér vita neira...
magnuss183@gmail.com
GSM 611-5489

Bestu kveðjur,
Magnús.

Re: Nákvæmasti, besti og lang, lang, lang flottasti riffillinn í alheiminum!!!

Ágæti félagi Bergur skrifar

Í framhaldi af þessu þá upplýsist hér með að ÁRAM'OT SR verður með þeim hætti að ekki verða nein takmörk, hvorki varðandi þyngd eða gerð riffla. Með öðrum orðum þú kemur með þann riffil sem þú vilt og hvaða rest sem þú villt. Heavy Bench rifflar svo og Sako TRG rifflar eru sérstaklega boðnir velkomnir.

Það verður einungis eitt sett af verðlaunum, það er að segja gull silfur og brons fyrir bestan árangur.

Væntanlega fyrirbyggir þetta deilur varðandi breytta eða óbreytta riffla svo og annan ójöfnuð sem mönnum finnst að sýndur hafi verið.

Allir eru velkomir jafnt félagsmenn sem aðrir meðan húsrúm leyfir eins og sagt er.

Ég fagna þessu!! Er þetta þín skoðun eða stjórnar SR?
Mun Hlað ekki standa að þessari keppni ...sem kannski fer þá
fram á 100m?
Verður þetta Score eða Group keppni?
Minningarmót um vin minn Jónas Hallgrímsson, sem átti að verða stærsta BR (Heavy Bench) mót hvers árs þar sem skotið væri á
200 - 300 m endaði á allt annan hátt...

Magnús Sigurðsson
félagi í SR

Re: Nákvæmasti, besti og lang, lang, lang flottasti riffillinn í alheiminum!!!

Sæll Magnús

Ég ætla aðeins að leiðrétta það sem þú segir um úrslit Áramóts SR 2009. Bara svona svo við höfum þetta allt saman rétt og enginn verði sár.

Arnfinnur keppti reyndar ekki í þessu móti. Í þriðja sæti var Sigurður Einar með Tikku T3 í 308 með orginal Tikka hlaupi. TRG-arnir sem Eiríkur Björnsson og Daníel Guðmundsson voru með voru í sjötta og sjöunda sæti en það eru einmitt næstu sæti fyrir ofan annan vin þin Berg Arthúrsson sem var með Wichita lás og Krieger hlaup í 6PPC.

Ég man vel eftir þessu móti því þetta var fyrsta mótið sem ég tók þátt í með stórum riffli. En þetta mót eitt og sér segir að sjálfsögðu ekkert um ágæti eins né neins. Ég man mjög vel eftir því þegar ég aðstoðaði við að fara yfir spjöldin og reikna út stiginn hvað spjaldið þitt var flott og þú endaðir lang efstur í þessu móti.

Þarna var keppt í einum flokki og hvaða skoðun sem menn hafa á því hvernig flokka skipting er, þá finnst mér skipta meira máli að mótið sé haldið heldur en að menn hér rífist um þessa hluti fram og til baka sem á endanum verður til þess að menn hlaupa í fílu og sleppa því að halda mótið.

Áramót SR er mjög skemmtilegt mót og alveg frábær hefð að mínu mati, eina sem mér finnst að menn ættu að gera það er að setja skírar reglur um flokkun (eða enga flokkun) og hvernig skal skotið, á blað áður en skráning í mótið hefst. Þegar menn sjá reglurnar og skrá sig í mótið, þá skrá þeir sig á þeirri forsendu og hafa þar af leiðandi varla rétt á því að vera með leiðindi út af framkvæmd mótsins.

Kveðja:
Stefán Eggert Jónsson
SFK

Re: Nákvæmasti, besti og lang, lang, lang flottasti riffillinn í alheiminum!!!

Ég er algerlega sammála því sem Stebbi Sniper skrifar hér á undan og ætla því að kópíera það hér fyrir neðan aftur til áherslu

"Þarna var keppt í einum flokki og hvaða skoðun sem menn hafa á því hvernig flokka skipting er, þá finnst mér skipta meira máli að mótið sé haldið heldur en að menn hér rífist um þessa hluti fram og til baka sem á endanum verður til þess að menn hlaupa í fílu og sleppa því að halda mótið.

Áramót SR er mjög skemmtilegt mót og alveg frábær hefð að mínu mati, eina sem mér finnst að menn ættu að gera það er að setja skírar reglur um flokkun (eða enga flokkun) og hvernig skal skotið, á blað áður en skráning í mótið hefst. Þegar menn sjá reglurnar og skrá sig í mótið, þá skrá þeir sig á þeirri forsendu og hafa þar af leiðandi varla rétt á því að vera með leiðindi út af framkvæmd mótsins."


Í skrifum hér á undan var tekið dæmi af Rem 770 riffli sem hefði engan áhuga á því að keppa við BAT riffil.
Það er mjög eðlilegt en viðkomandi er ekki að keppa við BAT riffilinn heldur sjálfan sig. Svo annað dæmi sé tekið þá keppa fleiri þúsund manns í einu í t.d. N.Y. maraþonhlaupinu á hverju ári. Halda menn að þeir geri sér allir þær grillur að hljóta verðlaun ? Nei , þeir eru að keppa við sjálfan sig og til þess að hafa gaman af. Sá sem á þennan umrædda Rem 770 riffil hefur því val um það að keppa ekki, keppa við sjálfan sig eða koma sér upp öðrum riffli og keppa við BAT. (Með BAT á ég við BR keppnisriffil almennt)

Eins og ekki hefur farið framhjá neinum þá er birtutími mjög takmarkaður hér þann 31, desember og auk þess þurfa þeir fjölskyldumenn sem vilja halda áfram að vera það að vera komnir til síns heima sæmilega tímanlega. Það mælist illa fyrir að snarast inn úr dyrunum um kl sjö og heimta steikina á diskinn.
Mótinu verður að vera lokið ásamt verðlaunaafhendingu ekki síðar en kl 15-16. Reynslan hefur sýnt að ef margir keppendur eru sem raunin hefur verið undanfarin ár þá er tafsamt að mæla grúppur og reikna meðaltöl. Score er hins vegar tiltölulega fljótlegt að afgreiða og geta niðurstöður legið fyrir fljótlega eftir að keppni lýkur. Það er því mun heppilegra að skjóta score og ef til vill jafnar það að einhverju leiti út nákvænis mun riffla að skjóta á lengra færi þannig að 200 metar er ef til vill heppilegt færi.

Áramótið verður því haldið án flokkaskiptingar, skotið verður score á 200 metrum.

Auglýsing um nánari framkvæmd verður sett inn á SR vefinn mjög fljótlega.

Re: Nákvæmasti, besti og lang, lang, lang flottasti riffillinn í alheiminum!!!

Sælir félagar.

Ef minnið er ekki að bregðast mér átti mótið að vera stigakeppni, score, en þar sem skotskífurnar sem nota átti þoldu ekki rigningardropana sem á þær féllu, var brugðið á það ráð að renna niður í Hlað og fá þar nothærfar skífur. Jafnframt var keppninni breytt í grúppukeppni.

Það er því e.t.v. skynsamlegt fyrir mótshaldara að huga að vatnsheldum skífum eða hafa plast tiltækt til að plasta skífurnar. Nú eða setja yfir þær svo að mótið renni bókstaflega ekki út í sandinn. Þó væri enn verra ef það færi út um þúfur eða í vaskinn.



JAK

Re: Nákvæmasti, besti og lang, lang, lang flottasti riffillinn í alheiminum!!!

Ágæti félagi Stefán Eggert.

Fannstu þessi úrslit á netinu?
Ef svo er má ég þá spyrja hvar?


Með vinsemd,
Magnús Sigurðsson

Re: Nákvæmasti, besti og lang, lang, lang flottasti riffillinn í alheiminum!!!

http://sr.is/forsida/frettaflokkar/34-motaurslit/318-aramot-felagsins-a-gamlarsdag

Re: Nákvæmasti, besti og lang, lang, lang flottasti riffillinn í alheiminum!!!

Sæll Magnús

Nei ég fann þessi úrslit ekki á netinu... Ég held utan um úrslit í þeim mótum sjálfur sem ég tek þátt í. Það er oft ágætt til þess að geta rifjað upp hvað maður var að gera og hverju maður var að skjóta. Einnig sér maður hvað aðrir hafa verið að gera og hverju þeir hafa verið að skjóta.

Re: Nákvæmasti, besti og lang, lang, lang flottasti riffillinn í alheiminum!!!

Ágætu félagar JGK og Stebbi Sniper (og aðrir sem gætu hjálpað)!

Eigið þið lista yfir hvaða dót við notuðum þennan gamlársdag
það herrans ár 2009?
Ég hefi einhverra hluta vegna glatað mínum.

Með vinsemd,
Magnús Sigurðsson
sem er vonandi skárri í einhverju öðru
en að halda hlutum til haga!

Re: Nákvæmasti, besti og lang, lang, lang flottasti riffillinn í alheiminum!!!

Er ekki málið að koma sér á blað á alvöru móti áður en maður fer að leita að sjálfum sér á verðlaunapalli ?

Re: Nákvæmasti, besti og lang, lang, lang flottasti riffillinn í alheiminum!!!

Toks (eða sá sem kallar sig þesu nafni)

Af hverju kemurðu ekki fram undir nafni svo við þessi grey sem einstöku sinnum
vinnum einhver mót annað slagið getum borið vankanta okkar saman við mikiilfeng
yðar hátignar!

Spurningin er sú sama og í fyrri póstum:

Hvaða sigra hefur þú unnið? Vinsamlegast segðu frá þessum þúsemdum sigra???
Hverju ert þú að skjóta ...ertu yfirleitt að skóta nokkurn skapaðan hlut!? Ég held ekki!
Enn einn kjaftaskurinn með lykklaborðið í kjöltunni!
Magnús Sigurðsson

P.S Vesalingur, skrifaðu undir fullu nafni.

Re: Nákvæmasti, besti og lang, lang, lang flottasti riffillinn í alheiminum!!!

Rakst á þessa mynd af Guðmundi Mjöllni með með 200 m skífu, gataða af Nákvæmasta, besta og lang, lang, lang flottasta rifflinum í alheiminum.



Menn skyldu ekki gleyma því að Guðmundur Mjöllnir skýtur ávallt af tvífæti með öxlina sem stuðning að aftan. Alvöru skytta!!!

JAK.

Varð bara að setja þessa mynd inn í tilefni af afmæli Guðmundar Mjöllnis í dag.


http://www.simnet.is/gummy/index.htm...