gullli
Svör samtals: 12
Virk(ur) síðan: 23 July 2012
|
Sælir heiðursmenn (og hinir líka).
Mig langaði að vita hvað þið notið til að þrífa feiti, bæði geymslufeiti og gamla olíu, af haglabyssunum ykkar.
Núna var ég að taka í sundur byssu sem ég hef smurt með Fin-lube Teflon spreyinu frá Kemi og svo virðist sem sú feiti þykkni og klístrist þegar hún verður gömul (1+ ár) og lítið hreyft við henni. Ég er búinn að þrífa þessa byssu og gerði það með bremsuhreinsi, úðaði bara í tusku og strauk yfir bolta og skothús en úðaði beint á gikkverkið, og allt varð skínandi fínt.
Svo fóru að renna á mig tvær grímur. Gikkverkið er sambland af gormum, málmum og plasti, og skothúsið er líklega húðað/unnið á sérstakan hátt með einhverjum efnum (synthetic, ekki camo).
Getur verið að bremsuhreinsirinn sé of sterkur til að nota við að þrífa þessa olíu í burtu. Þá á ég við hvort hann gæti unnið einhverjar skemmdir á plastinu eða húðuninni á byssunni. Hann þrífur olíuleifarnar prýðisvel, en verra þætti mér ef byssan skemmdist með hverjum þrifum, þegar maður einmitt stendur í þeirri meiningu að maður sé að "gera henni gott" með þrifum.
Ég smurði (með Fin-lube, teflonspreyi og einhverri "spes" byssuolíu) strax eftir þrifin á byssunni og ég sé ekki neitt á henni að hún hafi borið neinn skaða af - en mig langaði engu að síður að kasta þessum vangaveltum til ykkar og sjá hvaða svör og viðbrögð ég fengi.
Góðar stundir.
Gulli.
Tags:
Skrifað þann 18 November 2012 kl 23:21
|
feldur
Svör samtals: 132
Virk(ur) síðan: 23 July 2012
|
Re: Þrífa olíu/feiti af byssu.
Ég nota alltaf WD-40 til að þrífa, blæs svo mest af með þrýstilofti og smyr svo með þunnri olíu. Mæli ekki með bremsuhreinsi, sérstaklega ekki á plast, hann á það til að skemma það (hvítnar).
WD-40 er fínt til að þrífa en ekki sem smurning þar sem það gufar upp tiltölulega fljótt.
Vona að þetta komi að notum.
Feldur
Skrifað þann 19 November 2012 kl 21:45
|