Sælir Hlaðverjar,

Í morgun var ég mættur í birtingu til að gæta svæðis sem mér hefur verið falið að gæta. Alls gerðu fjórir bílar með um 12 skyttum sig líklega til að ganga til rjúpna og báru þeir allir fyrir sig að þeir vissu ekki að um einkaland er að ræða.

Mig langar því að koma því hér á farmfæri að Geldingadragi (milli Skorradals og Svínadals) er einkaland. Jarðirnar sitthvorumegin við Geldingadraga leyfa ekki veiðar. Í raun veit ég ekki um jörð í Skorradal og Svínadal sem leyfa veiðar. Auðvitað er sjálfsagt að athuga það mál hafi menn áhuga.

Þessu er þá komið til skila og vonandi minnkar umferðin í kjölfarið.

Ég mun gæta þessara svæða í birtingu alla þá daga sem veiðar á rjúpu eru leyfilegar - og hugsanlega aðra daga líka. Ég hef reynt að benda mönnum á svæði þar sem leyfilegt er að veiða rjúpu í nágrenninu og mun gera það áfram.

Með von um góða skemmtun og hóflega veiði.

Sanko.