Heil og sæl...

Ég get ekki annað en tekið undir þau sjónarmið sem hafa komið fram um skotfimi með 22LR sem góða byrjun fyrir þá sem eru að stíga sín fyrstu spor í riffilsportinu.

Mér sýnist skotfélögin í landinu einmitt vera í þeim gírnum að efla skotfimi með 22LR eins og sjá má á fjölmörgum mótum um land allt. Það er svo annað mál að félögin þurfa að sameinist betur um reglur í td BR50.

BR50 er einmitt snildar grein til að byrja riffilsportið. Það eiga ekki að vera nein vandamál fyrir þá eldri að fara með unglingana á skotsvæðið og leyfa þeim að prófa. Þeir þurfa reyndar að vera 15 ára samkvæmt núgildandi reglum.

Ég held að flestir séu sammála um það að skjóta úr resti með 22LR er ein besta leiðin til að kenna undirstöðu atriðin í að skjóta með riffli.

Nú er vetrarstarfið að hefjast hjá mörgum skotfélögum og er tilvalið fyrir þá sem eru að byrja í riffilsportinu að mæta þar sem inniaðstaða er til staðar og læra að ná tökum á "réttum" aðferðum við skotfimi með aðstoð þeirra sem starfa fyrir félögin og kunna til verka.

Svo er mikil starfsemi í hefðbundnum greinum eins og td Ensku Keppninni (60skot liggjandi) ásamt öðrum greinum sem skotið er með 22LR, sem vert er að fólk kynni sér sem vill ná betri tökum á skotfiminni.

Það má samt ekki gleyma því að nokkur skotfélög leggja áherslu á að fólk sem byrjar í skofimi / íþróttum byrji á loftrifflum. Fyrir þá sem vilja ná betri árangi í riffilskofimi almennt er loftriffilinn tær snild. Nokkur skotfélög eru með riffla sem þau lána gegn vægu gjaldi á æfingum !

bestu kveðjur.....